लुम्बिनी एक्स्पो : विद्युतीय गाडी आकर्षणको केन्द्र
- बसन्तराज बराल
- 25 Dec, 2023
<
बुटवल, ९ पुस । रूपन्देही व्यापार संघको आयोजनामा प्रदर्शनी केन्द्र बुटवल मण्डपमा लुम्बिनी एक्स्पो २०८० जारी छ । पुस ५ गतेबाट सुरु भएको मेलामा इलेक्ट्रिक गाडी रहेका कारण पनि लुम्बिनी एक्स्पो आकर्षणको केन्द्र बन्न पुगेको छ ।
विश्वविख्यात लोकप्रिय गाडीदेखि नयाँ नयाँ प्रविधि सहितका विद्युतीय सवारीसाधन लुम्बिनी एक्स्पोमा राखिएको छ । नयाँ टेक्निोलोजी सहितको गाडीले लुम्बिनी एक्स्पो लाई अझ सान्दार बनाएको छ ।
यसपालिको लुम्बिनी एक्स्पोेमा चारपाँग्रे र दुईपाँग्रे गरी ५ ओटा विद्युतीय कम्पनीका सवारीसाधनको सहभागिता छ । लुम्बिनी एक्स्पोमा इलेक्ट्रिक गाडी भएकाले पनि मेलामा अवलोकन कर्ताको थप आकर्षण रहेको छ ।
उच्च पफमेन्स, उत्कृष्ट माइलेजकै कारण प्यासेन्जर तर्फ नेपाली ग्राहकको विद्युतीय गाडीमा आकर्षण थेगी नसक्ने अवस्थामा पुगेको छ । ‘विद्युतीय गाडीमा अहिले अटो कम्पनीहरुले डिमान्ड थाम्न सकेका छैनन । MG मोडल (प्यारामाउण्ट मोटर्स प्रा.ली) बुटवलका लागी आधिकारीक बिक्रेता जयराईड मोटर्स प्रा.लीले प्रर्दशनीमा राखेको गाडी MG को Comet
(EV) मा ग्राहकको डिमान्ड बढी रहेको प्रा.लीका सिनियर सेल्स कमल रानाले बताए । मेला आयोजक संस्थासंगको सहकार्यमा ग्राहक को लागि जानकारीमुलक सहित बिक्री बितरण र प्रचार पनि हुने भएको कारण विद्युतीय सवारीसाधनको व्यवस्थापन गरेको रानाले बताए ।
यस्तै लोक सुसिला मोटर्स प्रा.ली.बुटवलले E100 स्कुटरमा पनि दर्शकको आकर्षण स्टलकारुपमा रहेको छ । उत्कृष्ट माइलेज र लुक्सकै कारण विद्युतीय स्कुटीमा नेपाली ग्राहकको माग थेगी नसक्ने अवस्थामा पुगेको प्रा.लीका Sales executive सुरक्षा थापाले बताइन् ।
नेपालमा पछिल्लो विद्युतीय सवारीप्रति आकर्षण बढी रहेको छ । नेपाल अटो बजारमा पनि बिस्तारै विद्युतीय गाडी केन्द्रित भएको पाइन्छ । विद्युतीय सवारी साधनका लागि सरकारले पनि नीति मार्फत नै प्रोत्साहन गरेको छ । सरकारले चालु आव २०८०/८१ को बजेट मार्फत नै पेट्रोलियम पदार्थमाथिको परनिर्भरता घटाउन विद्युतीय सवारी साधनको उत्पादन र प्रयोगलाई प्रोत्साहित गर्ने उल्लेख गरेको छ । जसले विद्युतीय सवारी प्रयोगको सङ्ख्या वृद्धिमा थप योगदान गरेको छ ।
पछिल्लो समय विद्युतीय सवारी किन्ने ग्राहकका सङ्ख्या पनि बढ्दो क्रममा रहेको छ । विद्युतीय सवारी चार्जिङ्ग स्टेशन निर्माण पनि तिव्र रुपमा भईरहेका छन । लामो दुरीमा गाडी चलाउँदा वा घरमा खरिदकर्तालाई प्रोत्साहन हुनेगरि आवश्यक पूर्वाधार पनि बिस्तारै बन्दै गएकाले पनि आकर्षण बढेको बताइन्छ । नेपाल विद्युत् प्राधिकरणले पनि विद्युतीय सवारी चार्जिङ्ग स्टेसन निर्माण गरिरहेको छ । यसका साथै निजी क्षेत्रबाट पनि चार्जिङ्ग स्टेसन निर्माणका भइरहेका छन् ।
चालु आवको पाँच महिनामा ९ अर्ब १० करोड ६४ लाख रुपैयाँ बराबरको सवारी नेपाल भित्रिएको हो । सो बराबरको विद्युतीय गाडी आयातबाट सरकारले ४ अर्ब २ करोड ८८ लाख रुपैयाँ राजश्व प्राप्त गरेको छ ।
भन्सार विभागका अनुसार गत कात्तिकमा पनि ६५२ वटा, असोजमा १ हजार २३७ वटा, भदौमा ७८८ वटा र गत साउनमा ११० वटा विद्युतीय सवारी आयात भएको थियो ।
विभागका अनुसार सबैभन्दा धेरै विद्युतीय गाडी चीनबाट आउने गरेको छ । पाँच महिनामा विभिन्न तौल क्षमताका २ हजार २९७ वटा गाडी चीनबाट आयात भएको छ । यस्तै, भारतबाट पनि १ हजार ३३८ वटा गाडी आयात भएको छ । समीक्षा अवधिमा कोरियाबाट २८ वटा, इन्डोनेसियाबाट १७, जर्मनबाट ३ वटा र अमेरिकाबाट पनि ३ वटा विद्युतीय गाडी नेपाल भित्रिएका हुन् ।
कस्ता इभिमा नेपालीको बढी आकर्षण ?
पाँच महिनामा आयात भएका विद्युतीय गाडीको तथ्याङ्क अनुसार नेपालीहरूको धेरै रुचि ५० देखि १०० किलोवाट तौल क्षमताका सवारीमा बढी आकर्षण देखिएको छ । अझ बढी भने १०० किलोवाट तौल क्षमता इभिमा आकर्षण देखिएको छ ।
विभागका अनुसार पाँच महिनामा २ हजार २८ वटा इभि १०० तौल क्षमताका आयात भएका छन् । यस्तै, ५० किलोवाटसम्मका भने १ हजार ५९५ वटा र २०० किलोवाटसम्मका ५२ वटा सवारी नेपाल भित्रिएका छन् । यस्तै, २०१ किलोवाटदेखि ३००० किलोवाटसम्म (पिक पावर जडित) का विद्युतीय सवारी भने ११ वटा मात्रै आयात भएको छ ।
विश्व बजारका लोकप्रिय ब्रान्डको विद्युतीय कार, जिप, भ्यानहरू नेपालमा उपलब्ध छन् । नेपालमा महिन्द्रा, किया, टाटा, एमजी र हुण्डाइ, बिवाइडी ब्रान्डको विद्युतीय कारहरू निकै रुचाइएका विद्युतीय कारको ब्रान्ड हुन् । नेपालमा पछिल्लो विद्युतीय सवारीप्रति आकर्षण बढी रहेको छ ।
मेलाबाट उद्योग व्यापारको प्रवद्र्धन,धार्मिक एवं लोक संस्कृतिको जगेर्ना गर्न सहयोग पुग्ने :-
स्वरोजगार आत्मनिर्भरता हाम्रो आधार, सहरदेखि गाउँसम्म व्यापार विस्तार’ भन्ने नाराका साथ सुरु भएको मेलाले यस क्षेत्रको उद्योग व्यापार र लोक संस्कृति संरक्षण तथा प्रवद्र्धनमा टेवा पुग्ने आयोजकले जनाएका छन् । लगानीको अवसर सिर्जना गर्न तथा कृषि, पर्यटन, उद्योग व्यापारको प्रवद्र्धन, धार्मिक एवं सांस्कृतिक क्षेत्रको संरक्षण र लोक संस्कृतिको जगेर्ना गर्न मेलाले सघाउ पुग्ने आयोजकले विश्वास लिएका छन् ।
मेला मूल आयोजक समितिका सदस्य सचिव संघका महासचिव दयानिधी भण्डारीले मेलाबाट उद्योग व्यापारको प्रवद्र्धन, धार्मिक एवं सांस्कृतिक क्षेत्रको संरक्षण र लोक संस्कृतिको जगेर्ना गर्न सहयोग पुग्ने विश्वास ब्यक्त गरे । प्रचारप्रसार समितिका संयोजक फर्सुराम पन्तले मेलाका अवसरमा विभिन्न क्षेत्रलाई समेटेर गोष्ठीको समेत आयोजना गरिएको बताए ।
पुस १८ सम्म चल्ने एक्सपोमा ५ ओटा विद्युतीय कम्पनीका सवारीसाधन र २ इन्धनबाट गरी अटोमोवाइल्का ७ सहित, गार्मेन्ट तथा तयारी पोशाकका १ सय ४१,होटेल तथा रेष्टुरेन्टका २३, कृषिका ४० ,अन्तर्राष्ट्रिय १०, राष्ट्रिय तथा बहुर्राष्ट्रिय कम्पनीका ७८ स्टल,श्रृंगार, उपहार तथा खेलौनाका ५२,ब्याग र जुत्ता चप्पलका ६८ र,फर्निचर तथा फर्निसिङ, किचन एण्ड प्लाष्टिकका ५३,बैंक÷वित्तिय संस्था एवं शैक्षिक संस्थाका १८,सूचना प्रविधि, इलेक्ट्रिक तथा इलेक्ट्रोनिक्सका १६,आइसक्रिम तथा वेकरीजका १८, औषधिजन्य ६६ स्टल,स्टेशनरी तथा स्पोर्टसका ८ रहेका मेला आयोजक संघका अध्यक्ष कृष्णप्रसाद घिमिरेले जानकारी दिए ।
मेलाको १० लाख दर्शकले अवलोकन गर्ने तथा ५० करोड बढीको कारोबार आयोजकको अपेक्षा छ ।